Receta

Sallatë ruse nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 24 Dhjetor, 12:36 | Përditesimi: 24 Dhjetor, 12:37

Sallatë ruse

Përbërësit:

4 patate mesatare
3 karrota
1 filxhan bizele
3-4 kastravecë turshi
2-3 vezë të ziera fort
200 gr majonezë
150 gr sallam / proshutë e tymosur (opsionale)
Kripë dhe piper sipas shijes

Përgatitja:

LEXO EDHE:
Pulë e mbushur nga zonja Albana

Qërojmë patatet dhe karrotat, i presim në kubikë të vegjël dhe i ziejmë veçmas derisa të zbuten (por jo shumë të buta që të prishen). I kullojmë dhe i lëmë të ftohen. Ndërkohë presim kastravecat turshi në copa të vogla duke u siguruar që të mos kenë lëng. Grijmë vezët e ziera dhe nëse përdorim sallamin e presim gjithashtu në copëza të vogla. Në një tas të madh bashkojmë patatet, karrotat, bizelet, kastravecat turshi dhe vezët. Shtojmë majonezën, kripën dhe piperin duke i trazuar me kujdes. Vendosim sallatën në një tas ose tabaka, e lëmë të ftohet në frigorifer për të paktën 1-2 orë para servirjes. Sipas dëshirës mund ta zbukurojmë sipër me bizele, feta veze të ziera ose kastravec turshi.

MC/Shqiptarja.com

TAG: